O dúo Caamaño&Ameixeiras acaba de publicar o novo videoclip do seu tema ‘Alegría Dio’la dea’, un fandango tradicional que interpretan canda Fetén Fetén na aldea do Couto (Ponteceso). A peza forma parte do seu primeiro traballo discográfico ('Aire!'), en que tan ben conxugan a súa arte entre elas ou con artistas da categoría de Silvia Pérez Cruz. Sabela Caamaño e Antía Ameixeiras poden resultar premiadas este mércores 27 de outubro na categoría de Música Folk nos Premios Martín Códax.