Un ano máis, chega a Vilanova de Arousa a Feira da Conserva. Na súa edición de 2021, que tivo que ser posposta ata en tres ocasións, presenta un atractivo e completo programa, con actuacións musicais, clases de cociña, obradoiros para os máis pequenos, entrega de premios e, por suposto, degustacións públicas.

Convidamos a Yolanda Bóveda, xerente da feira, e a Roi Casal, artista encargado de pechar o evento, para coñecer que imos poder facer esta fin de semana en Vilanova.