'Bailando en Paraíso' é o álbum debut do cantante compostelá Futuro Alcalde. Un disco de cinco cancións onde se misturan ritmos punks, sons electrónicos e música pop. Un traballo co que esquecerse da tristeza, dos problemas e dos malos momentos e pasalo ben.

Conversamos con Fernando Sanmartín, a persoa detrás deste proxecto musical, sobre o álbum, as influencias musicais, o panorama musical galego e os seus próximos concertos.