CRTVG

Buscar

Xulgan en Málaga unha muller acusada de deixar morrer a súa filla

Publicado o 17/11/2020 15:06

Hoxe tocoulles comparecer no xuízo aos peritos do caso. As súas declaracións xa non tratan de demostrar a culpabilidade ou inocencia do nai, que no primeiro día do xuízo admitiu os feitos entre saloucos. A moza asentiu ao relato do fiscal e recoñeceu que chegou a Málaga desde Marrocos para ocultar o seu embarazo e dar a luz.

Parte da súa familia vivía alí e, dada a súa boa situación económica, pagáronlle unha coidadora para a bebé e mesmo un apartamento cando decidiu ir vivir á capital malagueña.

Alí desatendeu a meniña desde o primeiro momento, deixándoa soa a maior parte das xornadas. Un día, cando a bebé tiña 17 meses, pechouna na habitación coas persianas baixadas, deixoulle un biberón e unhas galletas e nunca máis volveu.

A moza admitiu que ao abandonala foi consciente de que morrería e asegurou que está moi arrepentida.

O fiscal pide para ela 21 anos de cadea, mentres que a súa defensa intenta que llo rebaixen a 16 atendendo a que foi vítima de maltrato e á presión social e familiar para ocultar un embarazo non desexado.

Noticias web

17/11/2020