Xa está aberto o prazo para solicitar as bolsas da Fundación Amancio Ortega para cursar 1º de bacharelato no Canadá e nos Estados Unidos.

A convocatoria prevé dar 70 bolsas a estudantes de 4º da ESO de centros educativos galegos e outras 330 para os do resto do estado. A fundación cobre o 100 % da estancia de 10 meses do estudante no país de destino para cursar 1º de bacharelato.

O bolseiro non recibe cartos, pero terá financiada a viaxe, o aloxamento, a manutención, as elevadas taxas escolares deses países e os seguros médicos.