Lixeira repunta no número de falecidos en España nas últimas horas ata 430 vítimas, 31 máis ca onte, que foran 399, a cifra máis baixa desde hai un mes, segundo os datos facilitados polo Ministerio de Sanidade.

• Coas persoas falecidas nas últimas 24 horas, 430, a cifra total de finados que facilitan desde Sanidade é de 21.282 desde o inicio da pandemia.

Galicia é a cuarta comunidade cun menor índice de falecidos por millón de habitantes, 133 fronte a media española que está en 453 persoas falecidas. A comunidade cun maior índice de falecidos por millóns habitantes é Madrid con 1.120 vítimas mortais.

Estes datos oficiais do Ministerio refírense ás persoas falecidas nos hospitais, non están incluidas as persoas falecidas nas residencias.

• Os novos contaxios baixan ata 3.968; a porcentaxe segue mántendose por debaixo do 2%.

• O total de contaxiados oficiais en España supera as 204.178 persoas.

• As persoas recuperadas ata agora suman en total 82.514 persoas,  1.928 onte, fronte ás 3.230 de antonte.

As comunidades autónomas máis afectadas polo coronavirus seguen sendo, por esta orde:

• Madrid, con 57.997 contaxios en total, 1.034 rexistrados onte.

• Cataluña, con 43.112 contaxios, 1.436 positivos de onte.

• Castela-A Mancha, con 17.045 persoas contaxiadas, 249 rexistrados onte.

• Castela e León ten 16.256 positivos en coronavirus, 402 novos positivos.

A comunidade autónoma menos afectada segue sendo Murcia: ten 1.681 persoas contaxiadas, 35 máis ca onte.

Nas cidade autónomas, hai 105 en Melilla, 1 contaxio máis desde o 17 de abril, e 111 en Ceuta, que onte non rexistrou ningún caso.