A loita contra a covid-19 continúa en Vigo. 9.000 mozos de entre 30 e 32 anos están citados este xoves para vacinárense no IFEVI, acoden animados, pero sabendo que esta segunda dose de Pzifer non os blinda ao cen por cen contra a doenza.

Moitos coñecen casos preto como os do barrio da Doblada. A preocupación medra en Vigo, xa que, malia o descenso de casos, que se reducen a 2985, hai hospitalizados 62 enfermos en plantas convencionais e 10 nas UCI dos tres hospitais vigueses. Son datos moi parecidos aos de inicio de marzo, tras o estoupido de casos en Nadal.

Un dos principais gromos da área sanitaria está no Centro de Atención ás Persoas con Discapacidade de Chapela: son 41 usuarios afectados e dez traballadores. Non está grave ningún.