O porto de Vigo pon en marcha un corredor estable ferroviario para carga con Zaragoza e Francia. Unha conexión operativa dende este ano, despois de que se encargara da xestión da terminal ferroviaria de mercadorías de Guixar a empresa Transglobal.

Dende a compañía afirman que os resultados son positivos, pese á situación polo coronavirus. A conexión con Francia supón xa movementos de 26 trens de mercadorías semanais, cuns 800 contedores. E a previsión é pechar o ano cun total de 30.000 trasladados.

O obxectivo fundamental é afianzar o corredor cara a Europa vía ferrocarril.