Unha panadería foi o último local atracado dunha longa listaxe que non deixa de medrar nas últimas semanas.  "Pensei que era un cliente e cando sacou o coitelo díxome que era un atraco", relatan: "levoume o que tiña na caixa e marchou".

É o barrio de Peruleiro, unha zona ata hai pouco tranquila, e onde hoxe entre os veciños xa non se fala doutra cousa

Porque non son só atracos en locais, tamén na rúa, a plena luz do día... calquera pode ser a próxima vítima.

A forma de actuar do atracador é case sempre igual, o que fai que moitos pensen que podería tratarse da mesma persoa.

Pero de momento ninguén deu con el. Pensan que un reforzo policial na zona, podería axudar a devolverlle ao barrio a tranquilidade, que tanto busca.