Van Vleuten gaña a Challenge La Vuelta feminina celebrada en terras galegas
Publicado o 05/09/2021 13:58
A ciclista neerlandesa Van Vleuten confirmou nas rúas de Santiago o seu dominio na Challenge La Vuelta feminina que se disputou nos últimos días en terras galegas. A ciclista de Movistar, de 38 anos, foi a máis forte, sobre todo nun ataque o terceiro día a máis de sesenta quilómetros da liña de meta.
A última etapa foi para Kopecky, que se impuxo no esprinte á italiana Longo Borghini.