Iñaki Urdangarin ingresou este luns na prisión de Nanclares de Oca, na provincia de Áraba, a 14 quilómetros do seu lugar de residencia. É o paso previo para comezar a traballar nun despacho de avogados en Vitoria. 

O marido da Infanta Cristina, condenado a 5 anos e 10 meses de cadea polo caso Nóos, vai cumprir o que lle queda de pena en réxime aberto e poderá durmir na casa as fins de semana. Ademais, terá que someterse a un programa deseñado para presos condenados por delitos económicos.

Ata o de agora, Urdangarin estaba interno na prisión de Alcalá de Henares, da que xa saía todas as semanas para exercer labores de voluntariado.