Cinco meses leva aberto este forno de pan en Cea. Aquí seguen o xeito tradicional de elaboración do seu produto estrela. Utilizan fariña de trigo Caaveiro, cen por cento autóctona, elaboran a súa masa madre e transportan o pan en furgóns isotérmicos para conservar a súa textura. Pero quixeron dar un paso máis e apostar pola sostibilidade.

Solicitaron ademais unha das máis esixentes certificacións internacionais do sector alimentario: a IFS.

Vangarda e tradición van da man nesta proposta en que, apuntan, o fundamental é garantir a calidade dun produto que se escribe con maiúsculas na gastronomía galega.