A primeiras horas desta tarde desatouse un incendio na localidade malagueña de Estepona, que obrigou a desaloxar varias vivendas e hoteis dunha zona turística moi concorrida. Por fortuna, non houbo que lamentar danos persoais e xa estaría perimetrado e controlado polos bombeiros, uns 30 efectivos. O lume afectou un dos lugares máis emblemáticos da cidade, o Laguna Beach. As lapas tamén alcanzaron varios bares da praia e o hotel Kempinski, próximos a autovía A-7.

As autoridades activaron o nivel 1 do plan de emerxencias para evitar que se seguise propagando. Os efectivos comezaron a actuar na zona, o lugar do río Padrón, arredor das tres menos cuarto da tarde deste sábado e tamén participaron tres helicópteros de transporte e extinción.