A Garda Civil incáutase do coche dun condutor sen puntos. Os axentes facían un control en Rois, preto de Santiago, e pararon un vehículo nun control para pedir a documentación do coche e do condutor.

Nese momento comprobaron que por sancións anteriores non tiña o permiso de conducir en vigor, xa que ten varias resolucións de diferentes xulgados que lle quitaran o carné.

Inmobilizaron o coche seguindo as instrucións da Fiscalía por tratarse dun condutor multirreincidente. Terá que volver pasar polo xulgado, que determinará a súa sanción.