Un veciño de Marín enfróntase a unha petición de 21 anos de cárcere pola violación dunha septuaxenaria. O procesado está en prisión provisional por esta causa e hoxe declarou na Audiencia de Pontevedra.

Asegurou que coñecía a señora porque lle fixera traballos de albanelería na casa pero negou que a agredira. Dixo que a noite que aconteceron os feitos, en 2017, el estaba na casa, como declarou a súa muller.

A Garda Civil atopou restos orgánicos del na saba baixeira da cama da agredida e o seu teléfono sitúao na zona. A fiscala pide que o condenen a 21 anos de cárcere. Está previsto que o xuízo remate o luns que vén.