O enxeño non ten límites e Javier Castroverde non entende deles tampouco. Este triatleta coruñés, que pasa o seu confinamento en Madrid, está habituado aos deportes extremos: fixo 5 Ironman en 5 días, foi un dos primeiros galegos en completar un Ultraman, e agora, desde o seu illamento quixo aportar o seu grao de area: o reto 061. Con el explica que quere homenaxear os sanitarios polo seu labor e concienciar os deportistas para que non saian á rúa.

61 quilómetros dando voltas nun salón de 6 metros en 10 horas, 13 minutos e 5 segundos. Asegura Javier, habituado aos retos dificiles, que foi a proba máis dura que fixo a nivel psicolóxico.
Javier anima a quen queira sumarse ao reto e subilo á redes co cancelo #reto061.