Os despachos de billetes da estación de tren de Guixar, en Vigo, permanecerán pechadas ata mañá mentres son sometidas a un proceso de desinfección tras detectarse un caso positivo de covid-19 nun traballador de Adif.

O traballador infectado sentiuse mal onte pola noite e acudiu ao médico, onde lle practicaron unha proba PCR que deu positivo, tras o que o comunicou a Adif e Renfe, segundo informaron fontes do Administrador de Infraestruturas Ferroviarias.

En virtude do protocolo sanitario, os cinco traballadores de Renfe, que comparten espazo de traballo co traballador infectado de Adif, están nas súas casas á espera do que decida o Sergas, segundo indicaron fontes de Renfe.

O peche dos despachos de billetes ata mañá é unha "medida de prudencia", posto que a "desinfección exhaustiva" do lugar de traballo non leva máis que catro horas e os despachos de billetes levan pechados todo o día.

No seu lugar, Renfe trasladou a unha persoa á estación para informar os pasaxeiros que poden adquirir os billetes a bordo ou nas máquinas dispensadoras.