Hai tanta dor como pracer neste singular deporte. Tanto sufrimento polo sacrificio de levantar pesas cada vez máis pesadas, como satisfacción porque ese esforzo ten a recompensa do premio. O certo é que ten que gustar moito dedicar tantas horas a esta actividade.

Adrián comezou facendo culturismo, pero a modelación extrema do corpo esixía unha disciplina alimentaria aínda máis restritiva.

A sú profesión, coa que gaña a vida, porque o power fitness é pura afección, é a de protésico dental. Foi campión galego, español e iberolatinoamericano. Agora aspira ao europeo. Pero a alta competición é custosa.

Adrián asegura que cada vez máis xente se inclina polo seu deporte. Mellor levantar pesos por vontade que por obriga, así a carga semella máis lixeira.