CRTVG

Buscar

Grave un neno de 5 anos tras sufrir un accidente cando conducía un kart en Vigo

Publicado o 05/08/2019 21:11

Un neno de cinco anos está ferido grave despois de sufrir un accidente mentres conducía un kart na parroquia viguesa de Beade. O pai do pequeno estaba tratando de aprenderlle a manexar o vehículo cando o neno se precipitou por un barranco. 

O pequeno está ingresado na UCI do hospital Álvaro Cunqueiro á espera de que lle operen a cara, onde sufriu un forte impacto. O accidente foi este sábado, pero non transcendeu ata hoxe. O pai do rapaz regaláralle o kart e levouno a un terreo dun centro de ensino de Beade para tratar de aprenderlle a manexalo. Pero o neno, de só cinco anos, perdeu o control do vehículo. Primeiro bateu contra unha varanda de protección, despois coouse por debaixo da barreira e finalmente caeu por un barranco. Só freou ao chocar contra unha árbore.

O kart foi inmobilizado no depósito municipal, onde está a disposición xudicial.

Noticias web

05/08/2019