Un morto e dous feridos graves é o tráxico balance dun accidente laboral que se produciu en Alcalá de Henares, en Madrid.

O sinistro produciuse nunha nave en construción. Por causas que se investigan, derrubáronse unhas trinta pranchas de gran volume do falso teito e caeron enriba dos obreiros, que tiveron que ser liberados polos bombeiros. Un deles, de 48 anos faleceu no intre, e os outros dous foron trasladados con prognóstico grave ao hospital.