Carvalho Calero foi o autor homenaxeado do Día das Letras Galegas deste ano, e agora un libro recolle parte dos seus discursos.

Pilar García Negro recolleu varios documentos que afondan na faceta de Carvalho Calero como orador.

Ao mesmo tempo, o Parlamento galego abriu tamén unha exposición sobre o escritor. Precisamente alí están a biblioteca e arquivo persoais de Carvalho Calero, que se adquiriron hai 23 anos para facilitar o coñecemento da súa figura.