Un informe da ONU asegura que España xa non é a principal porta de entrada de cocaína cara a Europa. A Xunta Internacional de Fiscalización de Estupefacientes basea os seus datos nas incautacións de cocaína e revela que Bélxica superou en 2016 a España. Nese país comisáronse ese ano 30 toneladas e en España só a metade, algo máis de 15 toneladas. Estes datos repetíronse en 2017, cando en Bélxica se comisaron case 45 toneladas de cocaína e España quedou por detrás con 41 toneladas. Este organismo da ONU conclúe que os portos dos países do centro de Europa son os novos puntos de acceso dos estupefacientes.