Un home de 79 anos morreu este mediodía en Xermade atropelado por un camión na estrada LU-861, que vai das Pontes a Vilalba, no punto quilométrico 13, moi preto da vivenda familiar da vítima. 

Segundo informa o servizo de emerxencias do 112, o sinistro produciuse contra as dúas da tarde e ao chegar os servizos sanitarios tan só puideron confirmar o seu falecemento.

#AXEGAInforma de que un home perdeu a vida ao ser atropelado en #Xermade. Os feitos ocorreron na LU-861, no punto quilométrico 13. Os servizos sanitarios desprazados só puideron confirmar o seu falecemento. Interveñen: @guardiacivil, #ProtecciónCivil e informado o @copgalicia. pic.twitter.com/okNGph7vuG

— 112Galicia (@112Galicia) September 10, 2021

Testemuñas do sinistro aseguraron que a vítima puido cruzar a estrada sen mirar e non viu chegar o camión que non puido facer nada por evitalo.