A Policía Nacional detivo un home en relación coa morte dun neno de dous anos que faleceu o pasado domingo en Xixón por posibles malos tratos.
A investigación está a tratar de determinar a posible relación do detido, que é a parella da nai, co deceso do menor xa que as pescudas foron declaradas reservadas e están baixo supervisión xudicial.

O pequeno ingresou o xoves no Hospital de Cabueñes e de alí derivado ao Hospital Universitario Central de Asturias debido ás lesións internas que presentaba. Foron os propios sanitarios os que deron aviso ao considerar que as lesións poderían ser compatibles cuns malos tratos previos.