Un día despois da avaría na subministración eléctrica que durante 8 horas deixou a vila de Cabo de Cruz case paralizada, o apagamento seguía a ser o tema de conversa no salón de peiteados, un dos negocios afectados.

Outros negocios nin sequera puideron atender os seus clientes, coas perdas que iso implica. O apagamento afectou a vida cotiá dos veciños que tiveron que tirar mesmo de campingás para poder cociñar.

Aseguran que avarías coma a de onte suceden polo menos dúas veces ao ano e piden que se busque a orixe do problema e se lle poña unha solución.