É difícil facelo peor: un condutor interceptado na Illa de Arusa por unha patrulla da Policía Local perdeu 13 dos 15 puntos do seu permiso.

Ía manipulando o móbil ao volante, motivo polo que foi interceptado en primeira instancia. Pero os axentes comprobaron despois que o vehículo tiña a ITV caducada e a actitude do individuo levounos a lle facer unha proba de alcohol na que deu positivo.

Un segundo positivo, este por drogas, completou o despropósito. Ademais deses 13 puntos perdidos, o condutor terá que aboar case 2.000 euros de multa.