Anuncian a venda dun piso por 150.000 euros nun coñecido portal inmobiliario. O inmoble ten 14 metros cadrados e atópase en San Sebastián. O anuncio, que xa foi retirado polo vendedor tras as mofas nas redes sociais, destacaba o deseño do piso en dúas plantas, con dous baños, e falaba dun inmoble coqueto e situado na zona romántica da cidade donostiarra. Engadía a descrición de "ideal para independizarse ou investir".