Un camión envorcou esta mañá na AP-9 na zona de Vigo, en dirección a Baiona, nas proximidades da saída para o hospital Álvaro Cunqueiro. Segundo testemuñas de condutores que coincidiron na zona no momento do accidente, o condutor do vehículo pesado freou e perdeu o control do camión, polo que acabou por saír da vía.

O condutor quedou atrapado e o contido do remolque, terra e áridos, espallouse pola calzada. Tiveron que intervir os bombeiros para liberalo. No lugar do accidente xuntáronse a Garda Civil de Tráfico, a Policía local de Vigo e Protección Civil. Houbo que proceder a cortar un carril e limpar a terra que ocupaba a calzada.