Un accidente este mediodía na A-55 á altura de Mos por mor da colisión de dous vehículos provocou retencións no tráfico no carril en dirección ao Porriño e a Vigo. O aparatoso accidente entre un turismo e un furgón deixou dous feridos.

Ata o lugar desprazáronse os servizos sanitarios con ambulancias para atender os feridos, axentes da Agrupación de Tráfico da Garda Civil e efectivos de Protección Civil, entre outros.