Tres concellos galegos seguen coas restricións máximas; son Lobios, Mos e A Pobra do Caramiñal.

As súas incidencias acumuladas seguen sendo elevadas tanto a sete días como a catorce: andan preto dos 500 casos por cada 100.000 habitantes a catorce días e entre 125 e 250 a sete días.

O máis relevante é o aumento de casos en Mos. Se o sábado eran 93 casos nos últimos 14 días, este domingo xa son 98. Polo demais, hai poucos cambios na situación destes tres concellos que terán que seguir pechados perimetralmente, coa hostalería clausurada e coas reunións de non conviventes prohibidas ata que mellore a situación.