Once de setembro, hoxe celébrase a Diada en Cataluña, este ano marcado inevitablemente pola pandemia. Todo apunta a que as manifestacións independentistas serán menos multitudinarias que noutras ocasións.

A celebración comezou xa onte á noite, coa tradicional izada da bandeira que vai presidir os actos do Día Nacional. No seu discurso institucional, o presidente da Generalitat referiuse a España como un estado autoritario e vingativo e esixiulle ao rei e ao presidente do Goberno que pidan perdón polo asasinato de Lluis Companys. Torra instou aos cataláns a persistiren na independencia.