Galicia comezará a inxectar este martes a dose de reforzo aos 22.000 maiores que viven en residencias. Un novo paso na campaña de vacinación contra a covid que xa chegou, con pauta completa, a preto do 92 % da poboación diana.

A incidencia descende parella ao aumento da poboación vacinada. Os expertos calculan que en cuestión de días estará en Galicia por debaixo de 50 casos por cada cen mil habitantes. O reto é ir sumando cada día territorios libres de covid.