O temporal obrigou a suspender o Rácing de Ferrol-Sevilla por mor dos estragos que causou no campo da Malata. Era un partido especial para conmemorar os 100 anos de historia do equipo ferrolán.

Íanse enfrontar nada menos que a todo un Sevilla, rememorando a histórica final de Copa que os dous conxuntos disputaran en 1939. De feito, o equipo de Lopetegui, con grandes nomes como Nolito ou Chicharito, chegaba esta mañá ao aeroporto de Santiago. Pero veu o temporal e levou por diante parte da cuberta da Malata, e houbo que suspender.