En Vigo, hoxe os fieis déronse cita na concatedral. É un dos acontecementos máis multitudinarios da cidade, pero, por mor da pandemia, a procesión do Cristo da Vitoria, que tería que celebrarse este domingo, volve estar suspendida. A confraría tomou a decisión de anulala pola grande afluencia que a devoción do Cristo congrega na cidade.

O resto da programación relixiosa e institucional mantívose, iso si, con restricións de ocupación e con retransimisión en liña. Os mesmos lugares que percorre a figura do Cristo da Vitoria son os que procesionaron pola súa conta os seus devotos nas horas previas ao día grande.