Quique recíbenos na súa casa de Lugo, á que regresou hai 13 días despois de loitar contra o coronavirus. Pasou 44 días ingresado, 26 deles na UCI e 17 intubado. Este foi o momento en que entre aplausos abandonou a unidade de coidados intensivos rodeado de sanitarios aos que di lles estará sempre eternamente agradecido.

Quique, que está a piques de facer 61 anos, di que esta foi unha experiencia moi dura, pero da que aprendeu moito.

Agora recupérase na casa rodeado dos seus. Perdeu 21 quilos e cando regresou apenas podía andar, e é que, segundo relata, a enfermidade deixa importantes secuelas.

Agora agradece todo o apoio recibido e lanza unha mensaxe. Pide que todos sexamos precavidos e respectemos as medidas de seguridade.