A planta viguesa de Stellantis, a antiga Citroën, recuperou a normalidade, tras os problemas de subministración de pezas dos últimos días. Hoxe volveuse traballar nas quendas de mañá e tarde na liña 2, a encargada da montaxe das furgonetas, e que onte tivo que parar pola falla de microchips. A pasada madrugada tamén se reiniciou a actividade na quenda de noite, que levaba inactiva desde o luns. Para o vindeiro domingo, están previstas novas paradas de produción na factoría viguesa.