Sobe o prezo dos combustibles. O gasóleo faino por segunda semana consecutiva. De media, un litro custa de 1,22 euros. O gasóleo sitúase, así, en niveis máximos desde xuño. A gasolina con esta suba rompe con cinco semanas de descenso no seu prezo. Agora custa, de media, 1,31 euros.

Esta suba dos carburantes coincide co prezo do petróleo disparado. A semana pasada, o petróleo rexistrou a maior alza en trinta anos tras os ataques a varias refinerías en Arabia Saudita.