Os irmáns Quintela póñenlle sangue galego ao motor dun Breogán que funcionou á perfección na primeira xornada. Sergi confésase sorprendido polo volume da malleira ao Tenerife, e non agocha a motivación que lle supón a un recén ascendido o se ver á fronte da táboa, aínda que sexa circunstancial.

Forza mental moi necesaria para afrontar a dobre visita a Burgos o xoves e a Barcelona o sábado. Dous rivais de gran calado en apenas corenta e oito horas.