Volven baixar os casos activos malia a pequena suba dos positivos detectados onte. Segundo os últimos datos do Sergas, hai 1.613 persoas con covid−19 no país, 66 menos ca onte, tras 86 novos positivos.

Por áreas sanitarias, a repartición sería a seguinte:

A Coruña: 334 (+3)

Ferrol: 100 (+4)

Lugo: 208 (=)

Ourense: 162 (-2)

Pontevedra: 171 (-15)

Santiago: 222 (-31)

Vigo: 416 (-25)

Menos hospitalizados en planta

A situación nos hospitais mellora lixeiramente respecto a onte. Hai en total 66 persoas ingressadas por mor do coronavirus (-5): 51 en planta (-5) e 15 nas UCI (=).

Onte o Sergas notificou o pasamento dunha muller de 71 anos, que eleva a cifra de vítimas mortais no que vai de pandemia a 2.428. Na xornada de hoxe non houbo que lamentar falecidos.

Sobe a positividade

Aumenta a positividade tamén, aínda que se mantén nos valores baixos habituais dos últimos catro meses. Das 4.157 probas PCR realizadas (-758), deron positivo 85, o casl implica unha taxa de positividade de 2,04 %.

Mapas de incidencia por concellos