Os xogadores do Celta seguen adiante coa intensa preparación que Coudet lles ten programada para esta pretemporada. Terceira sesión de exercicio en Afouteza, hoxe con algo máis de toque de balón que desgaste muscular. Ademais de Cervi e a chegada de Dituro aínda por confirmar, poucas novidades hai sobre fichaxes. Juan Hernández, lateral murciano, desvincúlase do equipo vigués para ir ao Alcorcón. Coudet agarda pola incorporación dos internacionais para iniciar a concentración en Marbella. Entrementres, aos que están, tócalles, correr e correr...