Óscar García asume que o resultado de Elxe pode custarlle o posto e deféndeo sacando os seus números do ano completo que leva no Celta.

Óscar García: "Desde a xornada 22, que conseguimos sacar o equipo do descenso remontando catro puntos, non volvemos entrar. Algo ben estará facendo o equipo, xa non digo o adestrador. O Español, o Mallorca e o Leganés (descendidos) valoran máis os puntos que fixemos ca nós".

Excplica como está o equipo antes de enfrontarse ao Elxe.

Óscar García: "O vestiario está máis unido ca nunca".

Está por ver cal vai ser o papel de Hugo Mallo. O ex capitán, deposto polo adestrador, entra na convocatoria.

Óscar García: "Por sorte, xa está dispoñible Hugo Mallo. É un xogador máis, que se recupera o nivel de hai uns anos, hai poucos laterais dereitos coma el".

Emre Mor é baixa por molestias na pube. Iago Aspas, sen estar no seu mellor momento anímico, é a salvagarda de Oscar García e do Celta, aínda que Luis Enrique volva ignoralo na convocatoria que saque este venres.