O 61% das familias máis vulnerables viron afectada a súa situación laboral, e o 83% dos nenos e nenas destas familias non realizan ningunha actividade física.

É unha realidade da que se informou esta mañá á raíña Letizia na videoconferencia que mantivo con tres responsables de Save the Children, que lle transmitiron os efectos sociais da actual crise sanitaria.

Outro dato: o 40% das familias máis vulnerables non dispoñen de ningún tipo de equipamento tecnolóxico, o que impide a continuidade do proceso educativo dos menores a través de plataformas dixitais.