Nós saímos ao encontro dos peregrinos no monte do Gozo e vémolos chegar de forma incesante. No que levamos de agosto, Santiago está a recibir de media un milleiro de peregrinos ao día, pero hoxe parece claro que moitos máis.

Máis do 70% dos que veñen son de orixe nacional. E aínda que tamén atopamos maioría de españois entre o resto de turistas, demos con estranxeiros, sobre todo portugueses, coma os integrantes deste grupo de motoristas.

Os motivos que atraen a xente a Santiago son moitos, incluído o clima. Atopar a cidade chea non é problema par case ninguén. A pesar de ter algo máis complicado o acceso á catedral e a algúns establecementos, os máis alégranse.