O presidente de Vox, Santiago Abascal, superou o contaxio de COVID-19 que o tivo apartado do seu labor habitual durante unha semana e mostrou a súa alegría, sobre todo, "por saber que moitos o pasaremos así de rápido e poderemos volver para contribuír e axudar inmediatamente nesta emerxencia".

Abascal utilizou esta noite as redes sociais para dar a coñecer a superación da enfermidade a través da seguinte mensaxe: "Despois dunha semana de corentena sen ningún tipo de síntoma, o laboratorio confírmame que superei o COVID-19. Negativo".

Después de una semana de cuarentena sin ningún tipo de síntoma, el laboratorio me confirma que he superado el Covid19. Negativo.
Mi alegría, sobre todo, por saber que muchos lo pasaremos así de rápido y podremos volver para contribuir y ayudar inmediatamente en esta emergencia.

— Santiago Abascal (@Santi_ABASCAL) March 18, 2020

A pesar do seu illamento domiciliario, Abascal mantivo activo o seu perfil social a través das redes e á primeira hora do mércores sinalaba, por exemplo, que "non pode ser que a crise económica nos fagan máis dano que a pandemia".

"É o momento dunha gran liberación fiscal de cotas e cotizacións aos autónomos e pemes. E de eliminación de todos os ministerios e consellerías superfluas, e de subvencións a sindicatos, partidos etc", afirmaba Abascal, a colación das medidas do Goberno para facer fronte á crise do coronavirus.