O Ministerio de Sanidade pediu a retirada do mercado de 14 produtos solares porque o factor de protección que teñen realmente é inferior ao que figura no etiquetado.

Comprobouse nun control realizado pola Axencia Española de Medicamentos e Produtos Sanitarios. Analizaron novos formatos de cremas, brumas ou vaporizadores que ofrecen filtros FPS de nivel 50 ou máis.

Aínda que non hai constancia de ningunha incidencia por queimaduras con estes produtos e que xeralmente manteñen valores de protección altos, Sanidade pediulles ás empresas afectadas que os retiren voluntariamente da venda.