O Comité de Saúde Pública do Sistema Nacional de Saúde establece que as persoas menores de 55 anos que superasen a covid−19 e conten con anticorpos deberán esperar seis meses para ser vacinadas, xa que “a reinfección é excepcional” nese período.

O Ministerio de Sanidade anunciou onte que dará prioridade aos traballadores esenciais menores de 55 anos para a vacinación coas doses de AstraZeneca. Entre os colectivos incluídos están: os corpos e forzas de seguridade do Estado, os bombeiros, as Forzas Armadas e os profesores de infantil, primaria, secundaria e necesidades especiais.