A crise migratoria en Ceuta estivo presente na sesión de control ao presidente do Goberno. Pedro Sánchez acusou este mércores a Pablo Casado de ser "desleal" cos intereses xerais do Estado no medio da crise con Marrocos e de utilizar "calquera calamidade para tentar derrubar o Goberno". Preguntoulle ao líder do PP de "que lado está o principal partido da oposición".

Casado pediu ao presidente do Goberno que "sexa humilde" e "que se deixe axudar" porque "hai máis lealdade" no PP que "no seu Consello de Ministros". "Sen acritude, demostrou que lle queda grande o Goberno", salientou.

Sánchez pedíulle ao PP que amose a súa postura na crise con Marocos. "Non me quedou claro, ¿vostede apoia o Goberno de España ou non apoia o Goberno de España? Acláreo", expresou Sánchez a Casado nun tenso enfrontamento en que lle reprochou ao PP "utilizar calquera calamidade", como ocorreu coa pandemia, para "tratar de derrubar o Goberno de España".