A presenza en Barcelona de Mario Draghi serviu para inaugurar a décimo oitava edición do Foro de Diálogo entre España e Italia. Pedro Sánchez e o primeiro ministro italiano reivindicaron a alianza entre os dous países para influír na política europea igual que o fai o eixe franco-alemán. Lembraron que España e Italia suman o 25% do PIB da Unión e puxeron os fondos de reconstrución como exemplo do conseguido grazas á cooperación entre as dúas nacións mediterráneas.