O presidente do Goberno conversará hoxe coa líder de Ciudadanos para analizar con ela os seguintes pasos no plan de desescalada.

Foi un dos compromisos de Sánchez tras conseguir o apoio de Inés Arrimadas para a cuarta prórroga do estado de alarma. Sobre a mesa estará a intención do Goberno de solicitar aínda outra a partir do 25 de maio. Ciudadanos non descarta apoiala, pero pide ir "paso a paso".