O secretario xeral do PSdeG insiste en pedir a mobilización do electorado. Di que o vento sopra a favor dos socialistas pero que non hai que confiarse. Asegura que Pedro Sánchez é o único que pode liderar un goberno de progreso.

O candidato socialista estivo esta tarde en Santander, onde se comprometeu a seguir unha campaña sen crispacións e tentando convencer os cidadáns de que representa a garantía de avance do país. Pasado o ecuador desta campaña, Sánchez xa se mostra convencido de que o PSOE gañará as eleccións.